O Mosteiro de Xagoaza, un lugar silencioso e con gran encanto, atópase a poucos minutos do centro do Barco.
Destinations
O MOSTEIRO DE XAGOAZA
No lugar atoparémonos a igrexa de San Miguel de Xagoaza cuxa porta sur e a ábsida semicircular con xanela xerminada, deixan constancia da orixe románico da construción. A igrexa está datada no século XII e a cruz de Malta esculpida sobre a porta principal da igrexa lémbranos que foi un lugar administrado pola Orde de San Xoán de Xerusalén.
O Mosteiro, adxacente á igrexa, é unha sobria construción do Século XVIII, convertida en moderna adega para a elaboración de viños de godello que conta cunha adega-cova escavada na roca. A historia do Mosteiro de Xagoaza, agora ligada á unha adega, estivo moi relacionada co Camiño de Santiago sendo lugar de acubillo durante varios séculos de peregrinos que pasaban polo Camiño de Inverno na súa peregrinación a Santiago.
A contorna do río Mariñán, e a paraxe natural que rodea o Mosteiro e Igrexa de San Miguel de Xagoaza, son o complemento perfecto para realizar a visita a este conxunto arquitectónico. Seguindo o río augas arriba chegaremos a un lugar cheo de maxia: unha rústica ponte dun arco ao pé das ruínas dun muíño, que entre a densa vexetación e ao son das augas do río Mariñán, transportaranos a outro tempo.