Image Alt

A Mascarada Ibérica achega a cultura das máscaras tradicionais ao oriente ourensán

A Mascarada Ibérica achega a cultura das máscaras tradicionais ao oriente ourensán

Viana do Bolo e Vilariño de Conso congregaron gran cantidade de público asistente durante a pasada fin de semana para ver as máscaras de case corenta entroidos tradicionais. As máscaras desfilaron chegadas desde Galicia, outras provincias españolas e tamén desde Norte de Portugal e Cerdeña.

O Vibomask Festival Internacional Mascarada Ibérica reuniu a pasada fin de semana, 19 e 20 de marzo, as máscaras de 37 entroidos tradicionais tanto nacionais como internacionais. As máscaras desfilaron chegadas desde toda Galicia, tamén de Zamora, León, Asturias, Cantabria e Guadalajara, e inclusive do Norte de Portugal e Italia.

Esta sétima edición da Mascarada Ibérica, que tivo que suspenderse o pasado ano debido á pandemia, recuperouse neste 2022 con gran afluencia de público. A mascarada desenvolveuse en dous desfiles que tiveron lugar na tarde do sábado 19 de marzo en Viana do Bolo, e o domingo 20 de marzo pola mañá en Vilariño de Conso.

O evento estivo completado cun amplo programa durante os dous días de duración do mesmo que incluíu relatorios, exposicións, actuacións musicais e ata un mercado de produtos locais.

 

 

 

Lorem ipsum dolor sit amet, consectetur adipisicing elit sed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies